<iframe width="800" height="349" src="https://www.youtube.com/embed/EUijMj5WzwI" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>Erraustegiaren obra ustiatzeko baimena duten enpresek osatutako ‘Ingurumen Kultura eta Komunikazio Plana’ izeneko dokumentu konfidentziala argitara atera du GuraSOS plataformak. Bozeramaileek goizean Lasarteko Manuel Lekuona kultur etxean egin den ekitaldian esan dutenez, dokumentuak frogatzen du erraustegiaren proiektua «gezurrez eta pasibotasunez» sostengatzen dela.
Altuna y Uria, Construcciones Moyua, LKS, Murias, Meridiam eta Urbaser erraustegiko ustiapena esleitu zaien enpresek «iritzi publikoa kontrolatzeko» eratutako Komunikazio Plan konfidentziala eskuratu ahal izan du GuraSOSek, eta publiko egin du gaur goizean. Txostenean, esplizituki, Zubietako erraustegi «proiektuaren aurkako taldeen eragina txikiagotzeko» beharra azpimarratzen da. Tartean, «herritarrenak eta talde ekologistenak».